‘Gure oroitzapenak’ aurkeztu dugu gaur goizean
Bilboko Kafe Antzokira bildu gara gaur goizean ‘Gure oroitzapenak’ film kolektiboaren aurkezpena egiteko. Filma ez dago oraindik buruturik, ari gara eta ondo bidean udazkenaren hasieran ikusi ahal izango da. Gure oroitzapenak filmean toki eta aldi ezberdinak ezagutuko ditugu. Kurdistango Diyarbakir-etik laurogeiko hamarkadako Bilbora joango gara; Parisko kale kantoietatik eta Gare du Nord tren-geltokitik Dunkerqueko hondartzera; Lisboako giro goxotik paisaia elurtuetara; Lehen Munduko Gerran Baigorri ingurutik Habanako arte modernoko galeria batera
‘Lurraren bidean’ dokumentala eskoletan zabaltzen hasita
Joan den otsailean ‘Lurraren bidean’ dokumentala Kultur Leioan aurkeztu ondoren, proiektua orain Euskal Herriko ikastetxeetan zabaltzen ari da Aranzadi zientzia elkartea. Izan ere, ikus-entzunezkoa helburu didaktiko batez sortu zen eta, beraz, material didaktiko gisa ere erabil daiteke. Urratsez-urrats, Euskal Herriko geologiak gordetzen dituen iraganeko pasarteak irakurriz, gure paisaia ulertzera lagunduko digun dokumental dibulgatiboa da ‘Lurraren Bidean’. Milioi urtetan zehar bidaiatuz, itsaso tropikaletik glaziarretara pasaz, itsas sakoneko eremuetatik laku ertzetara irristatuz, bizi gareneko lurrari argia emango dion ikus-entzunezkoa ekoiztu du ikertzaile eta kultur eragile anitzek osaturiko lantaldeak.
“Lurraren bidean” dokumentalaren aurkezpena Kultur Leioan
Hurrengo ostegunean, otsailak 1 (Auditorium, 19:00 h), “Lurraren bidean” dokumentala izango dugu Kultur Leioan. Ekitaldian dokumentalaren aurkezpena eta hitzaldia izango ditugu. Gonbidapenak urtarrilaren 29tik aurrera jaso daitezke Kultur Leioako txarteldegian (9:00-21:00 h), pertsona bakoitzeko bi gehienez. Gonbidapen bakoitzarekin, dokumentalaren doako ale bat jasotzeko “txartel” bat banatuko da, egunean trukatzeko.
Adabaki Parisen
Urtarrilaren 19tik 23ra bitartean Hutsa Mantak-en promozio bideoa Pariseko Maison&Objet azokan egongo da ikusgai, Teixidors ehungileak bertan izango duen erakusmahaian hain zuzen ere.