Zer da film bat,
adabaki sorta bat ez besterik?

KONTAKTUA
komunikazioa@adabaki.eus

Adabaki Ekoizpenak
Bailen 1, 6, 1. departamentua
48003 Bilbo

SAREAN
Image Alt

Albisteak

Joan den asteburuan "ANTI" film laburrak aukera izan du parte hartzeko zinemaldi bitan: Cagliariko (Sardinia) Babel Film Festival-en eta Madrilgo (Espainia) FESCIMEDen. Babel Film Festival, Sardiniako hiriburuan kultura eta hizkuntza minorizatuei begirako zinemaldia da. Larunbatean Ikusleen Saria eman zioten "ANTI"ri eta Josu Martinez zuzendariak jaso zuen saria. Bestalde, igandean Madrileko FESCIMEDen (Festival Internacional para la Memoria Democrática) izan ginen. Marisa Paredes epaimahaiburu izan duen jaialdian Gidoi Onena eta Soinu Onena irabazi ditu "ANTI"k. Hibai Castro, Xanti Salvador eta Unai Gimenezek jaso zituzten sariak.

ANTI filmaren ibilbidea hasi besterik ez da egin eta sariak jasotzen ari da ezker-eskuin. Lehendabizikoak Argentinako Festival de Cine Independiente de Claypolekoak izan dira, ikuslegoaren saria eta epaimahai gaztearen saria eskuratu ditu bertan. Jarraian, ZINEBIn, gidoi onenaren saria jaso du. Lekeitioko Euskal Zine Bileran ere gidoi onenaren saria eskuratu du.

400 bidelagun inguruk parte hartu dute diru bilketa kanpaina herritar honetan eta ezinbesteko bultzada eman diote proiektuari. Alfonso Etxegarai deportatu politikoaren itzulera kontatuko dugu, Kristiane Etxaluzekin batera burutuko duena. Duela 10 urte Sagarren Denbora dokumentalean kontatu genuen istoriotik tiraka, paregabeko bikote honen Sao Tometik Euskal Herrirako itzulerak haiengan sortarazten dituen hausnarketak, kezkak, poztasunak eta ezinegonak biziko ditugu. 34 urte egon da deportatuta Alfonso, ETAko kide izandakoa, Ekuadorren lehenbizi eta Afrikako Sao Tome irlan gero. Kristianek, berriz, han eta hemen bizitzeko hautua egin zuen eta maleta artean ibili

Gaur ZINEBI Bilboko Dokumentalen eta Film Laburren Nazioarteko Jaialdia aurkeztu dute. ANTI filma zinemaldiaren atal ofizialean estreinatuko da azaroaren 8an Arriaga antzokian. “ANTI”, Adabaki Ekoizpenak eta Gastibeltza Filmak aurten ekoizturiko filma da. Bestalde, iaz Adabakik ekoitzitako zuzendari beraren “Ama” laburmetraiaren segida zinematografikoa ere bada “ANTI”. Martxela Aneva-Fuchs, Hélène Hervé eta Ximun Fuchs dira aktore nagusiak. ANTIk 1921eko negura garamatza. Frantziaren alde lau urtez fronteetan borrokatu ondotik, soldadu joandako herritarrak Baxenafarroako Bizkarsoro herrixkara itzuli dira. Bestalde, Parisetik maistra heldu da Bizkarsorora. Herriko umeek euskaraz besterik ez dute egiten.

“Ama” film laburrak argazki zuzendaritza onenaren saria jaso du Kentuckyko (AEB) Arnow Film Festival jaialdian. Bestetik, hautatua izan da Kaliforniako (AEB) Oakland International Film Festival jaialdiko irekiera saioan erakusteko. Kontinente berean ere, Kolonbiako Bogoshorts jaialdian parte hartu du, atal ofizialean.